Nepali Music Video Udasi-Udasi; by Nirajan K.C.

मानव तस्करीको सिकारमा कर्मठ युवा..

मानव तस्करीको सिकारमा कर्मठ युवा...

‘धन भनेपछी महादेवको ३ नेत्र’ निकै नै प्रख्यात यस उखानमा के नै छ र जस्तो लाग्थ्यो तर महादेव भनेको एक यस्ता पात्र हुन जसको लोभ, मोह सबै त्यागेर सन्त भएका शरीरमा खरानी घस्ने भाङ र धतुरो को नशामा डुब्ने त्यस्ता सन्त पनि धन देखे तेश्रो नेत्रकै प्रयोग गर्छन भने हामी त मानव जाती । महादेवको यथार्थता होला नहोला काल्पनिक पात्रको नाममा बनाइएको यस उखानमा भएको विम्व चाहिँ यथार्थ नै हो ।
 सृष्टीको सर्वश्रेष्ठ प्राणी मानिस जसमा चेतना, विवेक, काल्पनिकता आदि किसिमको पक्षले गर्दा सर्वश्रेष्ठ प्राणी मानिएको हो भनि वाल्यकाल देखि रट्दै आएको कुरा कतै फेल त भएन ? मानव जातीले जति पनी प्रगति गरेको छ सवै स्वार्थको लागि रहेको जस्तो भान हुन्छ । ढुङ्गे युगदेखि आजको विज्ञान र प्रविधिको अवस्था सम्म आउदा मानिसको वुद्धि र विवेकमा स्वार्थ र लालचले एक रत्ती पनि परिवर्तन ल्याउन सकेको जस्तो लाग्दैन । माया, दया, सहयोगी भाव, सहकार्य र अरुको आत्मसम्मान गर्ने भावनाको विकास हुनत कता कता उल्टो नकारात्मक पक्षको विकास भएको भान भैरहेको छ।
प्रशंग मानव तस्करी तथा मानविय श्रमको किनवेच र नेपालको अवस्थाको, नेपाल विश्वको सुन्दर देश तर सुन्दरता नेपालीले गर्दा भने चाँही अवश्य हैन, अधिकतम प्राकृतिक श्रोतले गर्दा नै सुन्दर देशमा गनिएको हो । www.google.com मा Search गर्दा समेत पर्यटकीय स्थलमा नेपाल भेटिनुले गर्भ गर्ने ठाँउ रहेको छ । नेपालमा मानव किनवेच तथा मानविय भावनालाई आर्थिक पक्ष सँग तुलना गर्ने प्रचलन अहिले भने विकास भएको होइन परापुर्वकाल देखिनै चलिआएको यस कुरालाई मैले किन उजागर गर्न खोजेको हो भने आजको यस प्रविधिको युगमा विश्वले मारेको छलाङ र विश्वमा नारामा घन्कीएको स्वतन्त्रताको अगाडी हाम्रो देशमा सम्पुर्ण ब्यक्ति कुनै न कुनै रुपमा मानव तस्करीको सिकार वनेकै छ । एकचोटी विचार गर्नुस् त तपाई पनि कुन स्वार्थको लागि कहाँ निर किनमेलको सिकार हुनु भएको छ ???? तराईमा अहिले पनि दाइजो को निहुमा छोराको मोलमोलाई गर्ने बावुआमा र छोराको उच्चतम् मुल्य निर्धारणका लागि अनिवार्य इन्जिनियर, डाक्टर तथा लोकसेवा आयोगवाट सरकारी अफिसर चाहे जे भएपनि जन्मने वित्तिकै खसीवोका सरह यो कत्रो खसी वनाउने र कति मुल्य गर्ने भनेझैँ छोराको व्यापारमा बावुआमा तथा छोरीलाई सबैभन्दा धेरै दाइजो दिएर जुवाँइँ किनेर समाजमा प्रतिष्ठा कमाउने दाउमा लाग्ने छोरीका बावु सवै मानव तस्करका नाइके हुन् । यस किसिमको परिपार्टीमा भ्रष्टाचार नभएर के हुन्छ त अनि यस किसिमको समाजमा सामाजिकिकरण भै आएको व्यक्ति सरकारी कर्मचारी, इन्जिनियर, डाक्टर हुँदा हामीले देशको विकासको अपेक्षा गर्नु भनेको ‘बाँदरको हातमा नरिवल’ भनेझैँ हो । राजनैतिक पक्ष पनि यसवाट अछुतो छैन राजनीति गर्ने व्यक्ति तथा तराइ क्षेत्रका मन्त्रिहरु सम्पति विवरण वुझाउदा श्रीमतीको दाइजो भनेर किलो को किलो सुन, करोडौँ पर्ने घरघडेरी देखाउन समेत लाज पचाउने गद्दारहरुवाट हामी के अपेक्षा राख्ने । यिनिहरु नाङ्गो नाच नाचीरहेछन् हामी थपडी मारिरहेको अवस्था छ । तराइका मात्र किन पहाडे भ्रष्टहरु पनि कम छैनन् श्रीमतीको पेवाको नाममा किलोको किलो सुन र अचल सम्पती विवरण वुझाउने तर हामी यिनैको पछी लागिरहेछौ । चुनाव हुन्छ उमेद्वार सवै चोर, गुण्डा, दलाल भन्दा फरक कोही हुँदैन । सभ्य र असल नागरिक आज पनि राजनैतिक क्षेत्रमा पस्न घिन मान्छ अनि वाध्य भएर सभ्य नागरिक चोर फटाह मध्यमा कुन अल्ली कम छ भनि मत दिनुपर्ने वाध्यता र गरिव तथा सोझा जनतालाई कुन चाँहिले कति प्रलोभनमा पार्नसक्ने त्यसका आधारमा चुनिएका यस किसिमको राजनैतिक संरचना वाट बिकासको आस गर्नु बेकार छ ।

प्रसंग मानव तस्करी र मोलमोलाइको बावुले साहुकोमा लिएको ऋण चुक्ता गर्न वसेका कमलरी, साहुकोमा भाँडा माझेर घरमा खर्च पठाउने बाल मजदुर, दलाल तथा नातेदारवाट सिमित पैसामा बेचिएका देहव्यापारी महिला, खाँडि मुलृकमा दोहोरो कमिसन र लुटका भरमा दक्ष जनशक्तीको व्यापार गर्ने बैदेशिक रोजगारका नाममा खोलिएका मेनपावरका दलालहरु, कन्सल्टेन्सीका नाममा शैक्षिक मेनपावरलाई किर्ते कागजको र नेपाल सरकारको आधिकारीक लोगो र छापको दुरुपयोग गरि विदेशमा प्रलोभनमा पारी कमिसन र कन्सल्टेन्सी चार्जको नाममा लाखौँ असुल्ने दलालहरु सवै मानव तस्करका हिमायति हुन् र यी हिमायतिलाई साथ दिने सरकारलाई हाँक्ने दलालको पनि नाइके भनेको राजनैतिक दल र यसका नेता नै हुन् ।
मानव मोलमोलाइको सिकारको कुनै आधिकारिक तथ्याङक छैन किनभने यसका लागि कुनै गैह्सरकारी सँस्थाले पहल गरेको पनि छैन र यस किसिमको प्रस्तावना लाई लाखौँ डलर समेत सायद आउदैन होला । प्रशंग गैह्सरकारी सँस्थाको आउदा नेपालमा दुर्गम क्षेत्रको नाममा मध्यपश्चिमाञ्चल र सुदुरपश्चिमाञ्चल विकासक्षेत्रका अधिकांश क्षेत्रमा हरेक गाँउ गाँउमा गैह्रसरकारी सँस्थाको कार्यक्षेत्र रहेको छ गाँउका १,  २ जनालाई सामान्य पैसामा कार्यकर्ता चुनेर राख्ने सिवाय कुनै कार्य यस सँस्थाका मानिसले गर्दैनन् काल्पनिक तथ्याङक तयार पार्यो अनी गोष्ठि र पत्रकार सम्मेलन चाँही काठमाडौको तारे होटलमा गरी काल्पनिक तथ्य र प्रीजेन्टेसन स्लाइडमा देखाउन मात्र अगाडी देखिने गैह्र सरकारी सस्थाका नाइके दलालहरु यस्ता झिनामिना कुरामा कहाँ तथ्याङक निकाल्न फुर्सद होला र , अनुमान गर्दा लगभग न्यून आय भएका व्यक्तिहरु सवै कुनै न कुनै तस्करको मोलमोलाइमा परेको छ जस्तो लाग्छ । कसैलाई भारतको पहाडी मुलुकमा लगेर सडक निर्माण तथा निर्माण सम्बन्धी कार्यमा ठेकेदारी गरी कमिसनको भरमा न्यून ज्यालामा जनशक्ति वेच्ने, नेपालकै विभिन्न निर्माण सम्वन्धी कार्यमा ठेकेदार मार्फत कमिसनमा विक्रि गरिएका मानव त्यसै गरी भारतीय वजार तथा नेपालका वजारमा यौनिक कार्यका लागि वेचिएका चेलीहरु मात्र नभइ  सभ्य र सम्पन्न परिवारमा समेत यस किसिमको तस्करी हुने देखिन्छ चाहे त्यो परम्पराको नाममा होस् चाहे खोक्रो प्रतिष्ठिाको नाममा छोरा छोरीको विवाह उनिहरुको इच्छा वेगर गरी उनिहरुलाई प्रतिष्ठाको आडम्बमा विक्री गरिन्छ यो पनि एक किसिमको ब्यापारकै स्वरुप हो जसले गर्दा विभिन्न विकृती भित्राएको छ चाहे लागू औषधको होस् चाहे अन्य कुलतको जसले देशको कर्मठ जनशक्तिलाई निश्काम नै बनाउछ । जे जस्तो भए पनि यस किसिमको परिपार्टीलाई परिवर्तन गर्नु हामी युवाको कर्तव्य हो र आजै देखि यस पक्षलाई मनन् गर्नु जरुरी छ ।

मानिस अध्ययन गर्छ ज्ञानले भरिपुर्ण हुन्छ, समाजमा ज्ञानगुनको कुरा बाड्छ तर उ कहिल्यै समाज परिवर्तन र सामाजिक सुधारमा अगाडि बढ्न सक्तैन किनभने हाम्रो देशको सम्पुर्ण व्यवस्था यती सम्म विग्रेको छ कि १, २ जनाले परिवर्तनको कुरालाई अगाडी बढाउदा उसको ज्यान नै दलालको फन्दामा पर्न जान्छ । यहाँ सम्म की शैक्षिक क्षेत्र समेत दलालको दलदलमा फसेको अवस्थामा विश्वको परिवर्तन र नेपालको सम्भावनालाई अवलोकन गर्दा परिवर्तन हुन ढुलै उथलपुथल आवश्यक देखिन्छ । युवा जनशक्ती विदेशी भुमिमा विद्यार्थी भिषामा कल्सल्टेन्सीको फन्दामा किर्ते कागजातको भरमा विदेशिनु भन्दा तथा मेनपावरका दलाललाई लाखौँ पैसा खुवाएर वैदेशिक रोजगारमा जानु भन्दा आफ्नो आफ्नो ठाउ, अध्ययन गरेको क्षेत्रमा सामुहिक एउटा वलियो संगठन निर्माण गरि दलाललाई खुवाउने पैसा सामुहिक रुपमा संकलन गरी जस्तो सुकै कार्य गरी केहि समयमा नै विदेशको भन्दा वढी आम्दानी गर्न र देशको आर्थीक सुधार एवम् समाजको सुधारमा सहयोग आजै किन नगर्ने ?? विदेश जानुनै छ भने पनि कामदारको रुपमा हैन पर्यटक भएर जाने नी । तसर्थ आजै वुद्धिजिवी सर्कलले सोच्नु पर्ने वेला आएको छ । तस्करको  फन्दामा परेका सम्पुर्ण व्यक्तीहरु एकजुट भइ यस किसिमको परिपार्टीको विनास गरी दलाललाई आफ्नो कुकर्मको पूर्ण आभाष गराई सत्कर्ममा लगाउन लागि पर्नुनै युवा पुस्ता तथा यस सताब्धिका कर्मठ र सबल युवाको अभिभारा हो ।  

प्रतिक्रियाको प्रतिक्षामा ———


अन्जान पौडेल
विद्यार्थी राजनैतिक शास्त्र एम. ए. (त्रि. वि. काठमाडौँ)

Lok sewa tayari tips

साभार -  युवामञ्च माघ, २०६८

तयारी लोकसेवाको भेषराज बेल्बासे लोकसेवा आयोगको परीक्षा भनसुनभन्दा 'मेरिट' मा आधारित हुन्छ । त्यसैले मिहिनेतमा विश्वास गर्नेहरू अझै पनि लोकसेवा परीक्षामा विश्वास गर्दछन् । मिहिनेती लोकसेवा परीक्षामा खरो उत्रेका पनि छन् । गत वर्ष त महिलाले कीर्तिमान नै राखे । यद्यपि लोकसेवा परीक्षाको तयारी सजिलो भने पक्कै छैन । कसरी गर्ने त तयारी ? के कुरामा ध्यान दिने ? भेषराज बेल्बासेको रिपोर्टिङ । लोकसेवा आयोगले लिने परीक्षाको नाम लिनासाथ मैतिदेवीका हरि शर्मा जङ्गिए- 'बेकारको कुरा Û के को जाँच दिनु ? फाराम भर्न पनि लामो लाइन र पढ्न पनि उस्तै गार्‍हो ।' हरि शर्मा मात्र होइन, अरू पनि थुप्रैका लागि लोकसेवा दिनु भनेको फलामको च्यूरा चपाउनुसरह हो । हालै परराष्ट्र मन्त्रालयको अधिकृत पदका लागि खुला तर्फबाट एक नम्बरमा नाम निकालेका कोटेश्वरका पुरुषोत्तम ढुङ्गेल भने हरिको भनाइसँग सहमत छैनन् । उनी भन्छन्- विश्वविद्यालयको प्राज्ञिक परीक्षा उत्तीर्णमुखी हुन्छ । लोकसेवा आयोगको परीक्षा प्रतिस्पर्धामुखी । लोकसेवाको नाम लिनासाथ नाकै खुम्च्याएर प्रतिक्रिया दिने युवालाई गत वर्ष महिलाहरूले ऐतिहासिक छलाङ मारेर दरिलो जवाफ दिएका छन् । अघिल्लो वर्ष ५६ पदमा परीक्षा दिनेमध्ये पाँच जनाले मात्र सफलता प्राप्त गरेको कीर्तिमान तोड्दै गत वर्ष १४६ परीक्षार्थीमध्ये ३७ महिला उत्तीर्ण भए । परीक्षार्थीलाई सुझाव पाठ्यक्रम राम्ररी बुझौँं सबैभन्दा पहिले त पाठ्यक्रममा के के छन् भनेर थाहा पाउनु पर्दछ । पाठ्यक्रम राम्रोसँग बुझ्न सकियो भने १० प्रतिशत काम बन्छ । अध्ययनका लागि सहज बाटो खुल्दछ । पहिले जस्तो कण्ठ गरेर उत्तर दिनेभन्दा पनि प्रश्न बुझेर सिलसिलेवर तरिकाले लेख्नुपर्ने व्यवस्था लोकसेवाको पछिल्लो पाठ्यक्रममा गरिएको छ । अधिकृत स्तरदेखि तल्लो तहका लागि कण्ठ गरेको उपयुक्त ठानिन्छ भने अधिकृत र माथिको पदका लागि बुझ्ने प्रक्रिया अगाडि बढाउनुपर्छ । परीक्षा ज्यादै कठिन हुन्छ भन्ने कुरा भ्रम मात्र प्रा. डा. भीमदेव भट्ट परीक्षार्थीहरूले "तुरून्तै गरिहाल्छु भन्ने अपेक्षा राख्नुहुन्न" भन्ने सुझाव दिन्छन् । जनप्रशासन विषयका ज्ञाता प्रा. डा. भट्ट भन्छन्- लोकसेवा परीक्षामा धेरै आधार हुन्छन् । त्यसलाई ख्याल गर्नुपर्छ । पहिला दृढ विश्वास र दूरदृष्टि राख्नुपर्छ । जसरी पनि गर्छु भन्ने आत्मविश्वास लिन आवश्यक छ । लोकसेवा फेल र पासभन्दा पनि मेरिटमा आधारित परीक्षा प्रणाली हो । आयोगद्वारा लिइने परीक्षा उत्तीर्ण हुन ज्यादै कठिन छ भन्ने भ्रम धेरै उम्मेदवारमा पाइन्छ । यस परीक्षालाई फलामे द्वारको संज्ञा पनि दिइन्छ । उम्मेदवारी नै नदिई यस्तो धारणा राख्नु उपयुक्त देखिन्न । खासगरी अङ्ग्रेजी माध्यमबाट अध्यापन गराइने बोर्डिङ स्कुल र दश जोड दुई शिक्षण संस्थाबाट प्रमाणपत्र प्राप्त गरेका उम्मेदवारहरूका लागि लोकसेवा आयोगले लिने परीक्षा भाषाका हिसाबले तुलनात्मक ढङ्गले कठिन हुन सक्दछ किनभने आयोगले प्रश्नपत्र, तोकिएका विषयमा बाहेक, नेपाली भाषामा छपाउँछ र उम्मेदवारबाट पनि नेपाली भाषामै उत्तरको अपेक्षा गर्दछ । खण्डीकरण गरी समय छुट्याउने हाल सार्वजनिक खरिद अनुगमन कार्यालयमा अधिकृत देवकुमार राईले परीक्षामा सोधिएका प्रश्नहरूलाई खण्डीकरण गरेर समय छुट्याउन सक्ने विद्यार्थी अब्बल मानिने बताउँछन् । प्रश्नहरूको उत्तर लेख्दा निबन्ध जस्तो नभएर 'टु दि प्वाइन्ट' हुनुपर्नेमा राई जोड दिन्छन् । एकै पटक जाँचमा बस्दा सबै कुराको व्यवस्थापन नहुन सक्छ । जाँचमा प्रश्नहरू कसरी सन्तुलित रूपमा हल गर्न सकिन्छ भनी पटक-पटक अभ्यास गर्नुपर्ने सुझाव राईको छ । समूहमा बसेर तयारी गरौँं प्रा.डा. भट्ट आˆना सुझाव यसरी दिन्छन्- लोकसेवाको तयारी गर्दा एक्लै गर्नुभन्दा समूहमा गर्दा राम्रो हुन्छ । समूहमा तयारी गर्दा एक जनाले जानेको कुरा अर्कोले नजानेको हुन्छ त्यस्ता कुरा साथीभाइबाट सजिलै सिक्न सकिन्छ । जाँच दिन दुईदेखि तीन वर्षको समयावधि राख्नुपर्नेमा जोड दिंँदै उनी भन्छन्- ल्ाोकसेवाको फाराम भरेपछि पढ्न सुुरू गर्ने प्रवृति परीक्षार्थीमा पाइन्छ । यसो गर्नाले सफलता पाउन गाह्रो हुन्छ । "अहिले परीक्षार्थीहरूका लागि इन्टरनेट तथा पढ्नका लागि अथाह सामग्री उपलब्ध छन् । यसका साथै चुनौती पनि थुप्रै भएकाले प्रतिस्पर्धामा उत्रने र जसरी पनि गर्छु भन्ने आत्मविश्वास राख्नुपर्छ," प्रा.डा. भट्टको सुझाव छ । तयारी कक्षाको उपयोगिता लोकसेवा आयोगले लिने परीक्षाका लागि बजारमा तयारी कक्षा सुरू भएको धेरै समय भएको छैन तर राजधानीमा व्यावसायिक रूपमा चलाइएका तयारी कक्षाहरूको सङ्ख्या भने निकै बढेको छ । आदिवासी, जनजाति, दलित, समाजमा उपेक्षित वर्गका लागि काम गर्ने सङ्घ/संस्थाले यसरी तयारी कक्षा चलाइरहेका छन् भने विभिन्न कार्यालयमा रहेका अस्थायी वा तल्ला तहमा काम गर्ने कर्मचारीलाई लक्षित गरेर पनि यस्ता कक्षा चलाउने गरिएको छ । यस्ता तयारी कक्षामा मुख्यतः लेखन सीप, पाठ्यक्रमका नीति, नियम तथा सिद्धान्त र नेपालमा ती नीति नियमका प्रयोग तथा अभ्यास आदिको बारेमा सम्बन्धित विज्ञ तथा सोही क्षेत्रका व्यक्तित्वहरूबाट सिकाइने गरेको पाइन्छ । यस्ता तयारी कक्षामा गएकामध्येबाट लोकसेवा परीक्षामा सफल हुनेको सङ्ख्या अधिक भएकाले पनि यस्ता कक्षाप्रति परीक्षार्थीको मोह बढेको पाइन्छ । "विद्यार्थीलाई तयारी कक्षाले ६० प्रतिशत सघाउँछ । बाँकी विद्यार्थीको मिहिनेतमा भर पर्छ," एपेक्स एजुकेसन एकेडेमीका सञ्चालक हरि पौड्याल बताउँछन् । सात वर्ष अगाडि सञ्चालनमा आएको सो संस्थाले विद्यार्थीलाई परीक्षाका लागि नमुना प्रश्न र त्यस्तै खालका कापी तथा अन्य सामग्री उपलब्ध गराएर विषय विज्ञ तथा निजामती सेवा प्रवेश गरी रिटायर्ड भएका र वर्तमान कर्मचारीबाट तयारी गराउने गरेको जानकारी दिंँदै उनी यस्ता कक्षा समयको माग भएको बताउँछन् । अचेल यस्ता कक्षा सञ्चालन गर्ने नाममा परीक्षार्थीबाट पैसा ठग्ने अभिप्रायले पनि इन्स्िटच्युटहरू सञ्चालन हुन थालेकाले यसतर्फ भने परीक्षार्थी सजग हुनुपर्ने पनि देखिन्छ । आयोगको छनोट प्रक्रिया लोकसेवा आयोग कार्यविधि ऐन, २०४८ अनुसार आयोगले खुला प्रतियोगितात्मक लिखित परीक्षा, खुला प्रतियोगितात्मक प्रयोगात्मक परीक्षा, छनोट, अन्तर्वार्ता र आयोगले तोकेका अन्य तरिकाबाट उम्मेदवार छनोट प्रक्रियाका लागि वाषिर्क कार्यतालिका तयार गर्ने गर्दछ । सम्बन्धित निकायबाट रिक्त पद पूर्ति गर्न माग प्राप्त भएपछि लोकसेवा अयोगले सम्बन्धित ऐन नियम अनुसार पदपूर्तिका लागि सङ्ख्या निर्धारण गर्दछ । पदसङ्ख्या निर्धारणपश्चात् प्रत्येक बुधबार प्रकाशित हुने आयोगको बुलेटिन र गोरखापत्र दैनिकमा विज्ञापन प्रकाशन गर्ने गर्दछ । विज्ञापन गर्दा ३१ दिन र दोब्बर दस्तुरी तिरी थप सात दिनको म्याद दिई दरखास्त आहृवान गर्दछ । खुला तथा आन्तरिक प्रतियोगितात्मक परीक्षाका लागि विज्ञापन प्रकाशित भइसकेपछि आयोगको केन्द्रीय कार्यालय, क्षेत्रीय निर्देशनालय र अञ्चल कार्यालयमा विज्ञापित पदको दरखास्त लिइन्छ । यसरी विज्ञापित पदका लागि प्राप्त भएका दरखास्त उपर छानविन गरी परीक्षार्थीलाई परीक्षामा सामेल हुन पाउने प्रवेशपत्र जारी गर्दछ । छनोट प्रक्रियामा निष्पक्षता र शुद्धता कायम गर्न आयोगले प्रश्नपत्र निर्माण, प्रश्नपत्र परिमार्जन, उत्तरपुस्तिका परीक्षण, अन्तर्वार्ता सञ्चालन तथा लिखित परीक्षा र अन्तर्वार्तामा संलग्न पदाधिकारीलाई एक अर्काको काम कारवाहीका विषय थाहा पाउन नसक्ने प्रणाली अबलम्बन गरी तटस्थ राख्ने नीति अख्तियार गरेको छ । यी कार्य सम्पादन गर्ने क्रममा सम्बन्धित सेवा समूह र पदको परीक्षा सञ्चालनका लागि आवश्यक पर्ने प्रश्नपत्र निर्माण गर्न सम्बन्धित विषयका दक्षलाई पठाइने र गोप्य सिलबन्दी रूपमा प्रश्नपत्रको सेट प्राप्त हुने, उक्त कच्चा प्रश्नपत्रका सेटमध्ये पुनः सोही विषयका अर्का दक्षलाई बोलाई कम्तीमा पाँच सेट तयारी प्रश्नपत्र निर्माण गरी प्रत्येक सेटलाई छुट्टै सङ्केत नम्बर दिई राखिने र परीक्षा सञ्चालनको समयमा ती सेटमध्ये आयोगका अध्यक्षबाट सङ्केत नम्बरका आधारमा छनोट भएको प्रश्नपत्रको सेट प्रयोगमा ल्याइन्छ । लिखित परीक्षा सञ्चालनपछि प्राप्त भएका सम्पूर्ण उत्तरपुस्तिकामा परीक्षा सञ्चालन शाखाले प्रथम कोड राख्ने र दोस्रो कोड राख्न अन्य कुनै शाखाका पदाधिकारीलाई जिम्मा दिने गरिन्छ । यसरी दोस्रो कोडपछि प्राप्त उत्तरपुस्तिका अध्यक्षले तोकेका सम्बन्धित बिषयका दक्ष र विशेषज्ञहरूलाई परीक्षणका लागि पठाइन्छ । परीक्षणपछि प्राप्त भएका उत्तरपुस्तिकाको प्राप्ताङ्क तालिकीकरण गरी कोडको आधारमा डिकोड गरी नतिजा प्रकाशन गरिन्छ । अन्तर्वार्ताका लागि छनोट भएका उम्मेदवारहरूलाई सम्बन्धित विषयमा दक्षसमेतको संलग्नतामा अन्तर्वार्ता लिने र एकले दिएको अङ्क अर्कोले नदेख्ने गरी गोप्य रूपमा राखिने र उम्मेदवारको योग्यताक्रम तथा सिफारिश गर्ने समयमा मात्र खोल्ने गरिन्छ । यसका साथै लिखित परीक्षामा उम्मेदवारले प्राप्त गरेको अङ्क अन्तर्वार्ता लिने क्रममा थाहा नहुने गरी योग्यताक्रम तथा सिफारिश गर्ने समयमा मात्र पठाइने गरिन्छ । लोकसेवा आयोगले प्रश्नपत्र निर्माण, प्रश्नपत्र परिमार्जन, उत्तर पुस्तिका परीक्षण, अन्तर्वार्ता, मनोवैज्ञानिक व्यक्तित्व परीक्षण, पाठ्यक्रम निर्माणलगायतका आयोगको कामका लागि सम्बन्धित शाखाले सम्बन्धित बिषयका आवश्यक सङ्ख्यामा दक्षको नाम समावेश भएको सूचीलाई समय समयमा अद्यावधिक गराई दक्ष र विशेषज्ञको सूची राख्दै आएको छ ।

17 push budhabar gorkhapatra

• • राष्ट्रिय जनगणना २०६८ अनुसार मातृभाषा नेपाली भएका कति प्रतिशत नागरिक छन् ?
  – ४४.६ प्रतिशत
  • विश्वमा बोल्ने चलनचल्तीका भाषामध्ये नवौं स्थानमा कुन भाषा पर्छ ?
  – पञ्जावी
  • अष्ट्रेलिया सरकारले आधिकारिक वेबसाईटमा उल्लेख भए अनुसार विश्वका उत्कृष्ट सय विश्वविद्दालय मध्ये अष्ट्रेलियामा कति विश्वविद्दालय पर्दछन् ?
  – ७ वटा
  • अष्ट्रेलियामा कति मुलुकका विद्दार्थीहरु अध्ययन गर्ने गर्दछन् ?
  – १३० भन्दा बढी
  • हाल अष्ट्रेलियामा कति प्रतिशत नागरिक साक्षर छन् ?
  – ९९ प्रतिशत
  • नेल्सन मन्डेलाको आत्मकथाका लेखक सहयोगी को हुन् ?
  – रिचार्ड स्टेङ्गल
  • समयको तस्विर नामक निबन्ध संग्रहकी लखिका को हुन् ?
  – शारदा शर्मा
  • नेपालका कुन कवि विम्व कवि का रुपमा पनि परिचित छन् ?
  – रमेश श्रेष्ठ
  • २०७० सालको राष्ट्रिय शिक्षा पत्रकारिता पुरस्कार ( रु ७५ हजार ) दुई जनालाई प्रदान गरेकोमा एक महेन्द्र थापा हुन भने अर्का पत्रकार को हुन् ?
  – प्रकाश सिलवाल
  • शान्तिका लागि शिक्षा अभियान बोकेर देशव्यापी साङ्गीतिक यात्रा गर्दै हिडिरहेको कुन नेपाली साङगीतिक समूह हो ?
  – नेपथ्य
  • नेपालको कुन ठाउँमा फिल्म सिटी निर्माण गरिनेभएको छ ?
  – दोलखाको लाँकुरीडाँडाँस्थित डाङडुङ्े डाँडामा
  • सन् २०१३ को ३२ औं अन्तराष्ट्रिय हात्तीपोलोको उपाधि ईएफजी टिमले जित्यो भने सो टिम कुन मुलुकको हो ?
  – स्विजरल्याण्ड
  • नेदरल्यान्डमा व्यवसायिक खेलाडी अनुबन्ध हुन कति बर्ष उमेर पुगेको हुनुपर्छ ?
  – १८ बर्ष
  • सन् २०१३ को आईसीसी बर्ष खेलाडी को घोषित भए ?
  – माइकल क्लार्क
  • सन् २०१३ को आईसीसी टवान्टी २० को उत्कृष्ट खेलाडी को घोषित भए ?
  – उमर गुल ( पाकिस्तानी क्रिकेटर )
  • सन् २०१३ को आईसीसी महिलातर्फको एकदिवसियको उत्कृष्ट खेलाडी बनेकी सुजी बेट्स कुन देशकी हुन् ?
  – न्युजिल्यान्ड
  • २०७० सालको एनसेल कप फुटबल प्रतियोगितामा सर्वोत्कृष्ट खेलाडी भई कसले मोटरसाईकल पुरस्कार प्राप्त गरे ?
  – अमीरजंग कार्की
  • आन्तरिक हवाई यात्रुले तिर्दै आएको विमानस्थल प्रयोग शुल्क ( एयरपोर्ट ट्याक्स ) कहिलेदेखि मुलुकभर टिकटमै समावेश गरिने भएको छ ?
  – वि.सं २०७० माघ १ गते
  • सोयाविनको तेल नेपालमा कुन दुई मुलुकबाट आयात हुन्छ ?
  – ब्राजिल र अर्जेन्टिना
  • नेपाली बजारमा सोयाविन तेलको बजार हिस्सा कति प्रतिशत रहेको छ ?
  – ६५ प्रतिशत
  • वि.सं २०६९ चैत्र २० गते मनाईएको ५६ औ अन्तराष्ट्रिय सहकारी दिवसको नारा के रहेको थियो ?
  – स्वाधीन अर्थतन्त्रका लागि सहकारी
  • नेपालको विकट जिल्ला मुगु कहिलेदेखि सडक सञ्जालमा जोडिएको हो ?
  – वि.सं २०६९ पौष १ गते
  • नेपालले भारतसँग लगानी प्रर्बदन सम्झौता ( BIPPA ) कहिले गरिएको थियो ?
  – सन् २०११ अक्टोबर २१
  • सबैभन्दा बढी क्षेत्रफल भएको औद्दोगिक क्षेत्र हेटौडा हो भने सबैभन्दा कम क्षेत्रफल भएको औद्दोगिक क्षेत्र कुन हो ?
  – धनकुटा
  • विलास मन्दिरका नामले नेपालको कुन दरबारलाई चिनिन्छ ?
  – बसन्तपुर दरबार
  • यूनेस्को दिवस कहिले मनाईन्छ ?
  – नोभेम्बर ४
  • चारकुने मुद्राको चलन चलाउने राजा को हुन् ?
  – प्रताप मल्ल
  • इन्टरपोलको ८२ औं महासभा कहिले र कहाँ बसेको थियो ?
  – सन् २०१३ अक्टोबर २१ – २४, कोलम्बियाको कोर्टगेना शहर
  • मानव विकास प्रतिवेदन २०१३ मा नेपाल कतिऔ स्थानमा रहेको छ ?
  – १५७ औं ( अकं ०.४६३ )
  • विश्वको सबैभन्दा पुरानो अन्न भटमास,धातु तामा भए सबैभन्दा पुरानो खेल कुन हो ?
  – पोलो

Reading Habbit

पढ्ने बानीको विकास गराउन  केही उपाय :

१ कम बोल्नुहोस् बढी सोच्नुहोस् । मौनता नै सर्वोत्तम जप हो ।

२. हातमा सधैँ किताब बोक्ने बानी गर्नुहोस् चाहे त्यो देखाउनलाई मात्रै किन नहोस् ।

३. पुस्तकलाई टेलिभिजन, टेलिफोन, सुत्ने कोठा या भोजनगृहमा पनि आफू छेउमा राख्नुहोस् र बेला-बेलामा किताबको शीर्षक र त्येसमा भएका बिषयबस्तुहरु सम्झने र त्येस्लाई अबलोकन गरिहाल्नुस ।

४. बस बिसौनी, श्रृङ्गारगृह, प्लेटर्फम, चिकित्सालय आदिको लाममा पनि पुस्तक बोक्नुहोस् ।

५. अनौपचारिक व्यक्तिसँगको भलाकुसारीहरूमा पनि पुस्तक छेउमा राख्नुहोस् ।

६. कामको कम तनाब भएको बेला वा फुर्सदको बेलामा पुस्तक पढ्नुहोस् ।

७. केही लेख्न लागेका बेला पनि पुस्तक छेउमा राख्नुहोस् ।

८. सामान्यतयाः पढ्ने आदत बिहानको समयमा बसाउनुहोस् र सम्भव भएसम्म सबै पत्रपत्रिकाहरू पढ्ने गर्नुहोस् ।

९. पुस्तक उपहार दिनुहोस्, पुस्तक बाँड्नुहोस्, पुस्तक मेला वा पुस्तक प्रदर्शनीहरूमा घुम्नुहोस् र पुस्तकको कुरा गर्नुहोस् ।

पुस्तक ज्ञानको भण्डार हो तसर्थ हामी सबैले आजैका मितिबाट पढ्ने आदतको निर्माण गरौँ ।

धन्यवाद 

Welcome to this blog!

This is our public blog...
please send your article and publish..............



Thank you
Admin